ABŞ-İran müharibəsi dünya şirkətlərinə ən azı 25 milyard dollara başa gəlib və bu rəqəm artmaqda davam edir.
Yeniavaz.com xəbər verir ki, bu barədə “Reuters” agentliyi mənbələrə istinadla məlumat yayıb.
Mənbələrin sözlərinə görə, İranın Hörmüz boğazına nəzarət etməsi ilə əlaqədar bizneslər enerji qiymətlərinin artması, təchizat zəncirlərinin pozulması və ticarət yollarının bağlanması ilə mübarizə aparırlar.
Nəşrdə deyilir ki, ən azı 279 şirkət maliyyə zərərinin azaldılması ilə bağlı tədbirlərə səbəb kimi müharibəni göstərib. Bu tədbirlərə qiymətlərin artırılması və istehsalın azaldılması daxildir.
Bəzi şirkətlər isə tədbir kimi dividend ödənişlərini və ya səhmlərin geri alınmasını dayandırıb, işçilərini ödənişsiz məzuniyyətə göndərib, yanacaq üçün əlavə haqlar tətbiq edib və ya təcili dövlət dotasiyası tələb edib.
