Axar.az portalından əldə olunan məlumata əsasən, ain.az xəbər verir.
Yeni hərbi əməliyyat başlayacağı təqdirdə Tehran qonşu ölkələrə qarşı hücumları gücləndirmək, ikinci boğazı bağlamaq cəhdləri də daxil olmaqla, yeni taktikalar tətbiq edə bilər.
Axar.az xəbər verir ki, bu barədə “Nyu York Tayms” məlumat yayıb.
Almaniya Beynəlxalq və Təhlükəsizlik Məsələləri İnstitutunun eksperti Həmidrza Əzizi nəşrə açıqlamasında bildirib ki, hərbi əməliyyatların ilk mərhələsində iranlılar təxminən üç ay davam edəcək uzunmüddətli münaqişəyə hazırlaşmışdılar:
“Nəticədə İran həftələrlə İsrailə və regional hədəflərə zərbələr endirməyə davam edə bilməsi üçün raket istifadəsini məhdudlaşdırdı. İndi müharibə yenidən başlayarsa, İran liderləri döyüşlərin qısamüddətli, lakin yüksək intensivlikli olacağını, o cümlədən Tehranın enerji infrastrukturuna koordinasiyalı, kütləvi zərbələr endiriləcəyini gözləyirlər”.
Nəşr qeyd edib ki, istənilən yeni hərbi əməliyyat dalğasında İran qonşu ölkələrə hər gün onlarla, hətta yüzlərlə raket ata bilər:
“İran həmçinin Qırmızı dənizi Ədən körfəzi ilə birləşdirən və qlobal ticarətin onda bir hissəsinin keçdiyi dar su yolu olan Bab əl-Məndəb boğazı üzərində nəzarəti ələ keçirməyə çalışa bilər”.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
