Bizimyol portalından verilən məlumata əsasən, ain.az bildirir.
Almaniyanın daxili kəşfiyyat xidməti İranın müharibə başa çatdıqdan və rejim üzərində təzyiq azaldıqdan sonra Avropada terror fəaliyyətini genişləndirə biləcəyini açıqlayıb.
Bizimyol.info xəbər verir ki, bu barədə Almaniyanın Konstitusiyanın Müdafiəsi üzrə Federal İdarəsi (BfV) "Euractiv"ə verdiyi şərhdə bildirib.
Alman xüsusi xidmət orqanlarının məlumatına görə, mümkün hədəflər arasında yəhudi və İsrail qurumları, İran müxalifləri, eləcə də Tehran tərəfindən rejimə düşmən hesab edilən digər şəxslər ola bilər.
BfV qeyd edib ki, Almaniyada yaşayan və İran üçün hərbi hazırlıq keçmək və ya Tehranla əməkdaşlıq etmək üçün bu ölkəyə səfər etmiş şəxslərlə bağlı halları da izləyir.
Qurumun açıqlamasında bildirilir ki, “BfV hesab edir ki, müharibə başa çatdıqdan sonra İran rejimi öz kəşfiyyat xidmətlərini rejim əleyhdarlarının axtarışı və təqibi üçün səfərbər edə bilər. Xüsusilə (pro-)yəhudi, (pro-)İsrail və ABŞ obyektləri, İran müxalifləri və "xəyanətkar" hesab edilən digər şəxslər hədəfə alına bilər”.
Alman kəşfiyyatı hesab edir ki, aktiv münaqişə mərhələsi başa çatdıqdan sonra Tehran xarici əməliyyatlara daha çox resurs yönəldə bilər.
Qurumun məlumatına görə, İran xüsusi xidmət orqanları dövlət terrorizmi həddinə çata biləcək üsullardan istifadə etməyə hazırdır. BfV-nin qiymətləndirməsinə əsasən, bu fəaliyyətlərə konkret şəxslərə təhdidlər, gizli müşahidə və mümkün hücumlara hazırlıq daxildir.
Alman kəşfiyyat mənbələri "Euractiv"ə bildiriblər ki, Almaniyadan İrana ən azı onlarla şəxs səfər edib və onların sonradan İran rejimi üçün fəaliyyət göstərə biləcəyi ehtimal olunur.
BfV əlavə edib ki, Almaniyada yəhudi və İsrail obyektləri, eləcə də İran müxalifət nümayəndələri üçün təhlükə səviyyəsi yüksək olaraq qalır.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
