ain.az, Azpolitika.az portalına istinadən məlumat yayır.
Rusiya Xarici İşlər Nazirliyinin rəsmi nümayəndəsi Mariya Zaxarova Fransa prezidenti Emmanuel Makron və Ukrayna prezidenti Volodimir Zelenskinin İrəvana reallaşdırdığı son səfərin pərdəarxası məqamlarına toxunub. Rusiya rəsmisi özünün "Telegram" kanalında etdiyi paylaşımda bu diplomatik gedişin Ermənistanın daxili siyasi mühitinə təsirlərini kəskin ironiya ilə şərh edib. Zaxarovanın sözlərinə görə, qərbpərəst liderlərin bu ziyarəti Ermənistanın baş naziri Nikol Paşinyanın timsalında "Avropa dəyərləri"nin maraqlı bir təzahürü ilə nəticələnib.
"AzPolitika" xəbər verir ki, Rusiya XİN rəsmisi fikirlərini əsaslandırmaq üçün "RT" (Russia Today) telekanalının yaydığı səs-küylü foto və video görüntülərə istinad edib. Həmin kadrlarda İrəvanda seçkiqabağı təşviqat kampaniyası aparan Nikol Paşinyanın yerli sakinlərdən biri ilə gərgin mübahisəsi əks olunub. Belə ki, baş nazir ona etiraz edən erməni qadını açıq şəkildə təhdid edərək, küçə ritorikası ilə belə deyib: "Dua et ki, indicə səni yaxınlıqdadı tualetə salıb başını yarmayıblar".
Mariya Zaxarova Ermənistan rəhbərliyinin öz vətəndaşına qarşı bu aqressiv davranışını məhz Avropadan gələn qonaqların İrəvana aşıladığı "demokratiya" və "insan haqları" ilə bağlayaraq sarkazm nümayiş etdirib.
Xatırladaq ki, Fransa prezidenti Emmanuel Makron və Ukrayna lideri Volodimir Zelenskinin İrəvana birgə səfəri mayın əvvəlində, Avropa Siyasi Birliyinin sammiti çərçivəsində baş tutmuşdu. Ekspertlər bu addımı İrəvanın Moskvadan uzaqlaşaraq Qərbə inteqrasiya xəttini sürətləndirmək cəhdi kimi qiymətləndirirdilər.
"AzPolitika.info"
Daha ətraflı məlumat və yeniliklər üçün ain.az saytını izləyin.
