Yaz-yay mövsümünün gəlişi ilə birlikdə ayaqqabı rəflərində də böyük bir dəyişiklik baş verir. Botlar və qapalı ayaqqabılar yerlərini yüngül, rahat və təbii ki, şık sandallara buraxır.
Pravda.az bildirir ki, bu mövsüm dizaynerlər həm rahatlığı, həm də zərifliyi ön plana çıxaran fərqli modellərlə qarşımıza çıxırlar.
Qalın dabanlar yenidən dəbdədir
Rahatlığından güzəştə getmək istəməyən, eyni zamanda boyunu bir az daha uzun göstərməyi hədəfləyən qadınlar üçün bu mövsümün xilaskarı qalın dabanlı sandallar olacaq. Həm gündəlik geyimlərlə, həm də şifon yay donları ilə mükəmməl bir uyğunluq yaxalayan bu modellər, platforma detalları ilə də diqqət çəkir.
Minimalist xətlərin gücü
İncə bantlar və sadə dizaynlar bu il də öz aktuallığını qoruyur. Minimalist sandallar, xüsusilə cins şalvarlar və kətan kostyumlarla geyinildikdə çox zərif bir görünüş nümayiş etdirir. Qara, ağ və krem kimi neytral rənglər bu trendin imtinaedilməzləri arasındadır.
Parlaq və metal rənglər
Gecə dəvətlərində və ya yay partilərində diqqət mərkəzində olmaq istəyənlər üçün qızılı, gümüşü və bürünc tonlarındakı sandallar önə çıxır. Metal parıltısı, ən sadə geyimi belə bir anda iddialı bir kombinə çevirmək gücünə malikdir.
Təbii materiallar və toxunuşlar
Həsir, kəndir və kətan detallarla bəzədilmiş sandallar bu yay da çimərliklərdən şəhər küçələrinə qədər hər yerdə qarşımıza çıxacaq. Təbii materiallardan hazırlanan bu dizaynlar həm ayağın nəfəs almasını təmin edir, həm də yay enerjisini tam olaraq əks etdirir.
Əminə Bayramova
