futbolpress-az portalından verilən məlumata əsasən, ain.az bildirir.
Misli Premyer Liqasının XXXII turunun “Zirə” – “Sumqayıt” oyunundan (2:1) sonra qonaq komandanın məşqçisi Veliçko Kaplanoviç jurnalistlərin suallarını cavablandırıb.
Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib:
– “Zirə”ni qələbə münasibəti ilə təbrik edirəm. Gənc oyunçularla oynadıq. Uşaqlar üçün böyük təcrübə oldu. Təbii ki, xal da qazana bilərdik, amma alınmadı. Hesab edirəm ki, komanda bu gün maksimumu etdi.
– “Sumqayıt” üçün 6 və ya 7-ci yeri tutmağın əhəmiyyəti var?
– Təbii ki, bu, eyni deyil. Son oyun olsa da, bizim üçün vacibdir. Maksimum nəticəni əldə etmək istəyirik. Oyun da Sumqayıtda olacaq, özü də “Qarabağ”a qarşı.
Ən son xəbərləri və yenilikləri almaq üçün ain.az saytını izləyin.
