ain.az, Azertag portalından verilən məlumatlara əsaslanaraq xəbər verir.
Bakı, 15 may, AZƏRTAC
Dövlət Sosial Müdafiə Fondunun (DSMF) təşəbbüsü, Ekologiya və Təbii Sərvətlər Nazirliyinin dəstəyi ilə Müşfiq qəsəbəsi ərazisində Aprel döyüşlərinin 10-cu ildönümünə həsr olunmuş ağacəkmə aksiyası keçirilib.
DSMF-nin mətbuat xidmətindən AZƏRTAC-a verilən məlumata görə, tədbir ekoloji mühitin qorunmasına töhfə vermək, həssas sosial kateqoriyaya aid şəxslərin fəallığının artırılması və onların cəmiyyətə inteqrasiyasının dəstəklənməsi məqsədi daşıyıb.
Aksiyada fondun rəhbər heyəti, əməkdaşları, həmçinin 50-dən çox müharibə iştirakçısı, müharibə ilə əlaqədar əlilliyi müəyyən olunmuş şəxslər və onların övladları iştirak ediblər.
Tədbir çərçivəsində 100-dən çox mövsümə uyğun ağac əkilib.
Hadisənin gedişatını izləmək üçün ain.az saytında ən son yeniliklərə baxın.
