BAKI, 14 may. TELEQRAF
Mərkəzi Asiya ölkələri arasında qarşılıqlı ticarət son beş ildə təxminən iki dəfə artaraq 12,3 milyard dollara çatıb.
Teleqraf xəbər verir ki, bu barədə Avrasiya İnkişaf Bankı məlumat yayıb.
Mərkəzi Asiya ölkələri arasında ümumi qarşılıqlı ticarət 2025-ci ildə 12,3 milyard dollara çatıb, bu da 2020-ci ilin rəqəmlərindən təxminən iki dəfə çoxdur.
Qırğızıstan regiondaxili ixracatda təxminən 7 faizlik paya sahibdir və Mərkəzi Asiya ölkələrinə göndərilən malların ümumi həcmi 0,9 milyard dollar təşkil edib.
Qazaxıstan 54 faizlik payla və 6,6 milyard dollarlıq ticarət həcmi ilə regionda qarşılıqlı ticarətin ən böyük iştirakçısı olaraq qalır.
Özbəkistan 26 faizlik paya və 3,2 milyard dollarlıq ticarət həcmi ilə ikinci yerdədir.
Ticarətdəki artım həm əvvəlki illərin aşağı başlanğıc nöqtəsi, həm də region ölkələri arasında iqtisadi əməkdaşlığın güclənməsi və ticarət prosedurlarının sadələşdirilməsi ilə əlaqələndirilir.
Avropa İnkişaf Bankının hesablamalarına görə, 2029-cu ilə qədər Mərkəzi Asiyada regionlararası ticarətin daha da artması potensialı təxminən 4 milyard dollardır, bu da mövcud ticarət həcminin təxminən üçdə birini təşkil edir.
