"Kanal D"nin fenomen serialı olan "Eşref Rüya" hekayəyə daxil olacaq sürpriz bir personajla tamaşaçıları yenidən ekran qarşısına toplamağa hazırlaşır.
Musavat.com xəbər verir ki, serialda uzun müddətdir adı çəkilən və Eşref Tekin ən böyük düşmənlərindən biri sayılan “İhtiyar” obrazı ilk dəfə tamaşaçı qarşısına çıxacaq. Bu qaranlıq və güclü obrazı isə Türkiyə kino və televiziya dünyasının tanınmış aktyoru Uğur Yücel canlandıracaq.
Bu günə qədər yalnız adı ilə qorxu yaradan, üzünü isə hər kəsdən gizlədən İhtiyar illərdir yaşadığı kölgələrdən çıxır. Qızının əsl kimliyini öyrənmək istəyən bu sirli şəxsin geri dönüşü serialdakı bütün tarazlıqları dəyişəcək.
Uğur Yücelin canlandıracağı İhtiyar obrazı yalnız Nisanın həyatında köklü dəyişikliklər yaratmayacaq, eyni zamanda Eşrefi də həyatının ən böyük hesablaşmalarından biri ilə üz-üzə qoyacaq. Yeraltı dünyasında bütün daşları yerindən oynadacaq bu gözlənilməz hadisə serialın həyəcanını daha da artıracaq.
Könül
Musavat.com
