Ukrayna NATO-nun düşmən ərazisinin dərinliklərinə dəqiq zərbələr endirmək imkanlarını gücləndirə bilər və müəyyən bir məqamda Şimali Atlantika Alyansının artıq "imkan boşluqları"nın olmamasını təmin edə biləcək.
Herbiand.az xəbər verir ki, bunu Ukraynanın NATO-dakı Missiyasının rəhbəri Olena Hetmançuk 11 may bazar ertəsi günü "Welt" qəzetinin veb saytında dərc olunmuş müsahibəsində bildirib.
"Əgər Almaniya kimi NATO ölkələri gələcəkdə belə bir tələb irəli sürsələr, biz təcrübəmizi və effektiv silahlarımızı: uzaqmənzilli dronlar və raketləri təklif etməyə tam qadir olacağıq", - deyə o bildirib. Hetmançukun sözlərinə görə, Ukrayna təkcə dron müdafiəsində deyil, həm də dəqiq zərbələr endirməkdə təcrübəyə və "unikal həllərə" malikdir.
