Niderlandın Nijmegen şəhərindəki Radboud Tibb Mərkəzinin on iki işçisi hantavirusa yoluxmuş xəstəni müalicə edərkən protokolları pozduqdan sonra altı həftəlik karantinə yerləşdirilib.
Musavat.com Niderland mətbuatına istinadən xəbər verir ki, xəstəxana 7 mayda virusun yayıldığı MV Hondius kruiz gəmisində sərnişin olan xəstənin hantavirusun gücləndirilmiş biotəhlükəsizlik tədbirləri tələb etməsinə baxmayaraq, standart qan toplama və emal prosedurlarından keçdiyini bəyan edib. Daha sonra məlum olub ki, sidik alınması da mövcud beynəlxalq qaydalara uyğun deyil.
Tibb mərkəzi bildirib ki, "yoluxma ehtimalının son dərəcə aşağı olmasına baxmayaraq, 12 işçi ehtiyat tədbiri olaraq altı həftə karantinə alınıb".
