Bizimyol saytından verilən məlumata əsasən, ain.az məlumatı açıqlayır.
Mayın 9-da keçirilən Qələbə paradı hər il Rusiyanın hərbi gücünün nümayişi hesab olunur. Lakin bu il Vladimir Putin Moskvada əvvəlki illərlə müqayisədə xeyli təmkinli parad təşkil edib — nümayiş etdirilən raket və digər hərbi texnikanın sayı əhəmiyyətli dərəcədə az olub.
Bizimyol.info xəbər verir ki, "The Wall Street Journal" yazdığına görə, əgər Putin həqiqətən də Ukraynanın uzaqmənzilli dron hücumlarından ehtiyat edirdisə, bu, müharibənin beşinci ilində vəziyyətin Rusiyanın xeyrinə dəyişmədiyinin daha bir göstəricisidir.
Bundan əvvəl Müharibənin Tədqiqi İnstitutu (MTİ) məlumat vermişdi ki, 2026-cı ilin yazında Rusiya ordusunun döyüş meydanındakı nəticələri 2025-ci illə müqayisədə daha zəifdir. Mərkəz vurğulayıb ki, Ukrayna aprel ayında itirdiyindən daha çox ərazini Rusiya işğalçılarından geri ala bilib.
Eyni zamanda Ukrayna dron və raketlər vasitəsilə Rusiyanın dərinliklərində yerləşən mühüm hədəflərə — neft hasilatı obyektlərinə, silah anbarlarına və digər hərbi infrastruktura daha tez-tez zərbələr endirə bilir.
“Bu, cənab Putinin Qırmızı Meydanda Rusiya hərbi qüvvələrini nümayiş etdirmək istəməməsini izah edir”, — deyə "WSJ" qeyd edir.
Nəşr yazır ki, Putin müharibənin “sona yaxınlaşdığını” bəyan etsə də, buna yalnız o zaman inanmaq mümkün olacaq ki, Rusiya Ukrayna şəhərlərinin bombardmanını dayandırsın və güc yolu ilə ələ keçirə bilmədiyi daha çox ərazinin Ukrayna tərəfindən güzəştə gedilməsini tələb etməsin.
“Yalnız böyük itkilər və mümkün məğlubiyyət perspektivi Putini Ukrayna və Qərbi Avropa ilə bağlı imperiya ambisiyalarından imtina etməyə məcbur edə bilər. Bu, müharibəni Ukrayna üçün layiqli şərtlərlə başa çatdırmağın ən yaxşı yoludur”, - deyə məqalədə vurğulanır.
Bundan əvvəl Putin Moskvadakı paradda hərbi texnikanın az olmasını izah etməyə çalışıb. Onun sözlərinə görə, texnikanın cəlb edilməməsi yalnız təhlükəsizlik səbəbləri ilə deyil, həm də “diqqəti Ukrayna qüvvələrinin məğlub edilməsinə yönəltmək” məqsədi ilə bağlı olub.
Bu arada "The New York Times" yazır ki, Kremlin Ukrayna ilə müharibədə “qaçılmaz qələbə” bəyanatlarına baxmayaraq, Rusiya ordusu faktiki olaraq cəbhədə çıxılmaz vəziyyətə düşüb. Nəşrin qeydinə görə, Rusiya qüvvələri müasir müharibənin əsas problemlərindən birini — döyüş meydanında dronların total üstünlüyü şəraitində genişmiqyaslı yarma əməliyyatlarını necə həyata keçirməyi — hələ də həll edə bilməyib.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
