Mayın 10-da Xankəndi şəhərində Şəhərsalma üzrə Dünya Forumu (WUF-13) çərçivəsində festival keçirilib. Festival yerli sakinlər və qonaqlar üçün əsl bayram ab-havası yaradıb.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən Redaktor.az-a verilən xəbərə görə, festival çərçivəsində möhtəşəm konsert proqramı təşkil olunub, tanınmış incəsənət xadimlərinin çıxışları böyük maraqla qarşılanıb.
Bununla yanaşı, müxtəlif yaş qrupları üçün interaktiv oyunlar, əyləncə də təşkil olunub.Tədbirin əsas məqsədi şəhər mühitində sosial həmrəyliyin gücləndirilməsi, ictimai iştirakçılığın təşviqi və Xankəndi şəhərinin yenilənən simasının beynəlxalq ictimaiyyətə təqdim olunmasıdır.
Festival iştirakçıları, tədbirin yüksək səviyyədə təşkil olunduğundan, şəhərdə yaradılan müasir mühitin və aparılan bərpa-quruculuq işlərinin regionun inkişafına mühüm töhfə verdiyindən danışıblar.
Qeyd edək ki, konsertin sonu möhtəşəm atəşfəşanlıqla bitib.
