“Hazırda qeydə alınan yoluxmaların “Andes hantavirusu” olduğu bildirilir. Bu virus əsasən Argentina və Çilidə rast gəlinən növdür. Məlumata görə, yoluxan 8 nəfərdən 3-də ölüm halı qeydə alınıb və laborator analizlərlə təsdiqlənib. Mütəxəssislər bildirirlər ki, yeni dünya hantavirusları daha çox ağciyər problemləri və tənəffüs çatışmazlığı ilə özünü göstərir.” Vasif Əliyev vurğulayıb ki, köhnə dünya hantavirusları isə əsasən yüksək hərarət və böyrək problemləri ilə müşayiət olunur. Lakin hantavirusa qarşı spesifik müalicə və ya tam təsirli vaksin mövcud deyil. Xəstələrə əsasən dəstəkləyici müalicə tətbiq edilir. Buna görə də qorunma tədbirləri xüsusi əhəmiyyət daşıyır. İnsanlara gəmiricilərdən, onların ifrazat məhsullarından və potensial yoluxma mənbələrindən uzaq durmaq tövsiyə olunur. “Xarici ölkələrə səfər edən şəxslər getdikləri ölkələrin epidemioloji vəziyyətini nəzərə almalı, sanitariya və gigiyena qaydalarına ciddi əməl etməlidirlər.”deyə, infeksionist açıqlayıb.
