İrəvanda keçirilən Avropa Siyasi Birliyinin 8-ci sammiti zamanı Ukrayna prezidenti Volodimir Zelenskiyə Azərbaycanla bağlı sual ünvanlanıb.

Musavat.com xəbər verir ki, erməni jurnalist 44 günlük müharibə zamanı Azərbaycanın guya fosfor bombalarından istifadə etdiyini iddia edərək “Ukraynanın Bakıya bu silahları verdiyi” barədə sual səsləndirib. Zelenski isə bu iddiaya cavab vermədən zalı tərk edib.

Qeyd edək ki, Ukraynanın Azərbaycana fosfor bombası tədarük etməsi ilə bağlı iddialar əvvəlki illərdə də səsləndirilib və rəsmi Kiyev tərəfindən təkzib olunub.

Məqalədə həmçinin 2020-ci il müharibəsi zamanı Ermənistan tərəfindən “İsgəndər” raketlərinin və “Smerç” sistemlərinin istifadə edildiyi, Azərbaycan şəhərlərinin isə ağır raket atəşinə məruz qaldığı vurğulanır.

Xatırladaq ki, 25 aprel tarixində Zelenski Azərbaycana səfər edib, Prezident İlham Əliyevlə həm təkbətək, həm də geniş tərkibdə görüş keçirib. Görüşlərdə enerji, təhlükəsizlik və humanitar əməkdaşlıq məsələləri müzakirə olunub və Bakı–Kiyev əməkdaşlığının davam etdiyi bildirilib.

• Sorğu
• Zelenski
• Iddia
• İrəvan
• Azərbaycana Qarşı