Misli Premyer Liqasında XXX turun növbəti oyunları keçirilib.
90deqiqe.Az xəbər verir ki, tur çərçivəsində "Sabah" səfərdə "Şamaxı" ilə üz-üzə gəlib. Görüş qonaqların 3:0 hesablı inamlı qələbəsi ilə başa çatıb.
Cari mövsüm çempionluğu öncədən rəsmiləşdirən “bayquşlar” matç boyu üstün oyun nümayiş etdiriblər. Qonaqların heyətində 37-ci dəqiqədə Stiv Solvet hesabı açıb. 77-ci dəqiqədə Coy-Lens Mikels fərqi artırıb. Qarşılaşmada son nöqtəni isə əlavə olunmuş vaxtda (90+1, pen.) Umarali Raxmonaliyev qoyub.
Bu qələbə sayəsində “Sabah” xallarının sayını 75-ə çatdıraraq liderliyini möhkəmləndirib. “Şamaxı” isə 35 xalla turnir cədvəlində səkkizinci pillədə qərarlaşıb.
Qeyd edək ki, turun digər oyunlarında "Kəpəz" "Sumqayıt"ı 2:1, "İmişli" isə "Araz-Naxçıvan"ı 1:0 hesabı ilə məğlub edib. Tura mayın 4-də yekun vurulacaq.
