İtaliya çempionatının 2025/2026 mövsümünün 35-ci turunda “Komo” ilə “Napoli” arasında keçirilən oyun başa çatıb.
90deqiqe.Az-ın məlumatına görə, Komo şəhərində yerləşən “Cüzeppe Sinigalya stadionu”da oynanılan qarşılaşma 0:0 hesablı heç-heçə ilə yekunlaşıb. Görüşü Mikael Fabbri idarə edib.
Matç ərzində komandalar qapılara yol tapa bilməyiblər və hesab açılmayıb.
Bu nəticədən sonra “Komo” 35 oyundan topladığı 62 xalla turnir cədvəlinin 5-ci pilləsində qərarlaşıb. “Napoli” isə 70 xalla ikinci sırada yer alır. Turnir cədvəlinə 79 xalla “İnter” başçılıq edir.
Növbəti turda Sesk Fabreqasın komandası mayın 10-da “Verona” ilə qarşılaşacaq. “Napoli” isə mayın 11-də Antonio Konte rəhbərliyində “Bolonya” ilə üz-üzə gələcək.
