Türkiyə 1-ci Liqasında sonuncu turun oyunları keçirilir.
QOL.az xəbər verir ki, Superliqaya vəsiqə uğrunda mübarizə aparan "Amedspor" səfərdə "İğdır "ın qonağı olub.
"İğdır" Şəhər Stadionunda baş tutan və altı qolun qeydə alındığı qarşılaşma 3:3 hesablı bərabərliklə yekunlaşıb. Bu nəticə Diyarbəkir təmsilçisinin tarixində ilk dəfə Superliqaya vəsiqə qazanması üçün kifayət edib.
2 may
"İğdır" - "Amedspor" - 3:3
Qollar: Fofana, 6, G.Vural, 45, A.Çankaya, 80 // H.Ə.Kaldırım, 19, M.Diaqne, 45+1-pen; D.Saba, 49
Qeyd edək ki, Türkiyə Prezidenti Rəcəb Tayyib Ərdoğan bu münasibətlə kluba təbrik ünvanlayıb:
"Növbəti mövsüm Diyarbəkiri Superliqada təmsil edəcək "Amedspor"u, bütün klub ictimaiyyətini və diyarbəkirli qardaşlarımı ürəkdən təbrik edir, onlara uğurlar arzulayıram".
