Türkiyəli iş adamı Acun Ilıcalının sahibi olduğu "Hall Siti" Çempionşipdə pley-off mərhələsinə vəsiqə qazanıb.
QOL.az xəbər verir ki, öz meydanında "Norviç Siti"ni qəbul edən komanda 0:1 hesabı ilə geridə olsa da, yekunda 2:1 hesabı ilə qalib gəlib. "Reksam"ın "Midlsbro" ilə 2:2 hesablı heç-heçəsindən sonra bu qələbə "Hall Siti"yə pley-off biletini qazandırıb.
Final fitindən sonra isə azarkeşlər meydana axışaraq futbolçularla birlikdə tarixi uğuru qeyd ediblər.
Qeyd edək ki, "Hall Siti" pley-off səddini keçəcəyi təqdirdə Premyer Liqaya yüksələcək.
