ain.az, Idman.biz saytına istinadən bildirir.
Qadınlar arasında Çempionlar Liqasının yarımfinalının “Lion” və Londonun “Arsenal” komandaları arasında keçirilən ikinci oyun başa çatıb. Oyun Liondakı “Groupama” stadionunda baş tutub. Ev sahibi komanda 3:1 hesabı ilə qalib gəlib.
Matçda hesabı Vendi Renar açıb. “Lion”un oyunçusu 21-ci dəqiqədə penaltidən qol vurub. 36-cı dəqiqədə hücumçu Kadidiatou Diani ev sahibi komandanın üstünlüyünü artırıb. İkinci hissədə, 76-cı dəqiqədə Alessia Russo “Arsenal”ın heyətində fərqlənib. Yarımmüdafiəçi Yule Brand 86-cı dəqiqədə qol vuraraq komandasının iki oyunluq qarşılaşmada qələbəsini təmin edib.
İlk oyunda “Arsenal” “Lion”u 2:1 hesabı ilə məğlub etmişdi.
Beləliklə, Fransa klubu Qadınlar arasında Çempionlar Liqasının finalına yüksəlib və burada “Barselona” – “Bavariya” matçının qalibi ilə qarşılaşacaq. İspaniya və Almaniya komandaları sabah, 3 mayda qarşılaşacaqlar.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
