Aprelin 17-də atəşkəs elan olunmasına baxmayaraq, İsrailin cənubi Livana endirdiyi hava hücumları və artilleriya zərbələri nəticəsində son 24 saat ərzində ən azı 41 nəfər həlak olub, 89 nəfər yaralanıb.
Yeniavaz.com xəbər verir ki, bu barədə Livanın Səhiyyə Nazirliyi rəsmi “X” sosial şəbəkə səhifəsində məlumat yayıb.
“Martın 2-də hərbi eskalasiyanın başlamasından bəri həlak olan mülki şəxslərin ümumi sayı 2659-a, yaralıların isə 8183-ə çatıb”, - nazirlik qeyd edib.
