ain.az xəbər verir, Demokrat.az saytına əsaslanaraq.
Dünyada ilk dəfə olaraq Peruda arılara rəsmi hüquqlar verilib. Satipo və Nauta bələdiyyələri iynəsiz arıların məhkəmədə təmsil olunmaq və inkişaf etmək hüququnu tanıyan xüsusi sənəd qəbul ediblər.Demokrat.az xəbər verir ki, yeni qaydalara əsasən arılar təmiz mühitdə yaşamaq hüququ qazanmaqla yanaşı meşələrin qırılmasına qarşı qanuni müdafiə imkanı əldə ediblər. Bundan sonra arı koloniyalarına zərər vuran şirkətlər və ya şəxslər birbaşa məhkəməyə verilə biləcək. İddialar məhz arıların adından qaldırılacaq və məhkəmələr qərar çıxararkən ekosistemə dəyən ziyanı əsas götürəcəklər.Tropik bitkilərin tozlanmasında əvəzsiz rol oynayan bu canlılar həm də tibbi əhəmiyyətli bal istehsal edirlər. Lakin meşələrin məhvi və kənd təsərrüfatı dərmanları onların sayını kəskin azaldıb. Qəbul edilən qərar zərərli maddələrin istifadəsinə nəzarəti gücləndirir və meşə sahələrinin bərpasını məcburi edir.Hüquqşünaslar bu addımı təbiətin qorunmasında inqilabi dəyişiklik adlandırırlar. Perudakı bu modelin Amazon hövzəsinin digər ölkələrində də tətbiq olunacağı və mikrodünya üçün yeni müdafiə qalxanı yaradacağı gözlənilir.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
