ain.az, Azertag portalına istinadən məlumat verir.
Bakı, 1 may, AZƏRTAC
Azərbaycan Memarlıq və İnşaat Universiteti bu il 7-ci Karyera Sərgisini “Karyera həftəsi” çərçivəsində təşkil edib. Artıq bir həftə ərzində ölkənin aparıcı şirkətlərinin nümayəndələri və mütəxəssisləri universitetdə tələbələrlə görüşlər keçirib, müxtəlif seminarlar təşkil ediblər.
AZƏRTAC xəbər verir ki, bu barədə universitetin tədris işləri üzrə prorektoru professor Akif Qasımov jurnalistlərə açıqlamasında məlumat verib.
Akif Qasımov vurğulayıb ki, universitet məzunları Bakının, regionların və işğaldan azad olunmuş Qarabağın yenidən qurulmasında fəal iştirak edirlər. Onun sözlərinə görə, müasir dövrdə əsas məqsəd insanların rahat və təhlükəsiz mühitdə yaşaması, işləməsi və istirahət etməsi üçün şəraitin yaradılmasıdır: “Bu komfortu yaradan, layihələndirən mühəndislər və inşaat mühəndisləridir, ona forma və estetik dəyər verən isə memarlar və dizaynerlərdir”.
Professor, həmçinin bildirib ki, sərgi tələbələrin estetik dünyagörüşünün formalaşmasına töhfə verməklə yanaşı, onların sənətə və ixtisas sahələrinə marağını artırır.
Müxbir – Xatirə Cəfərova
Videooperator – Mirrəsul Cəfərov
Sonrakı hadisələr barədə daha çox məlumat almaq üçün ain.az saytını izləyin.
