Fındıq və digər meyvələrin istehsalı və ixracı ilə məşğul olan "Agrarco" MMC-nin ixracı artıb.
Marja.az İqtisadi İslahatların Təhlili və Kommunikasiya Mərkəzinin təqdim etdiyi “İxrac icmalı”nın 2026-cı il aprel buraxılışına istinadən xəbər verir ki, Şirkətin ixracı 2026-cı ilin ilk rübündə ötən ilin eyni dövrü ilə müqayisədə 21,7 milyon ABŞ dolları və ya təxminən 4,7 dəfə artaraq 27,6 milyon ABŞ dollarına yüksəlib. 2025-ci ilin ilk rübündə "Agrarco" MMC-nin ixracı 5,9 milyon ABŞ dolları təşkil etmişdi.
"Agrarco" MMC fındıq və digər meyvələrin istehsalı və ixracı ilə məşğul olan üfüqi inteqrasiya olunmuş kənd təsərrüfatı şirkətidir. Şirkət 2017-ci ilin mart ayında, uzun illər fəaliyyət göstərmiş 3 kənd təsərrüfatı şirkətinin birləşməsi nəticəsində yaradılıb.
