Səudiyyə Ərəbistanı Liqasının 30-cu turunun “Əl-Nəsr” - “Əl-Əhli” görüşündə (2:0) qalmaqal baş verib.
QOL.az xəbər verir ki, hadisə qonaq komandanın türk futbolçusu Merih Demirala qarşı sərt oyun səbəbindən yaşanıb.
Demiral oyundan sonra “Əl-Nəsr”in kapitanı Kriştiano Ronaldoya etiraz edib. Daha sonra onunla digər rəqib futbolçu Kinqsli Koman arasında gərginlik yaranıb. Lakin hadisənin daha da böyüməsinin qarşısı alınıb.
Matçdan sonra Merih Demiral jurnalistlərə açıqlamasında hakimlikdən narazılıq edib: “Bütün hakimlər dəli olub! Ayağıma baxın. O, az qala ayağımı sındıracaqdı! Onlar “Əl-Nəsr”in qalib gəlməsinə kömək edirlər. Allaha and olsun, bu, biabırçılıqdır!”
