2027-ci maliyyə ili üçün təklif olunan 1,5 trilyon dollarlıq müdafiə büdcəsi ABŞ-a texnologiya sahəsində liderliyi təmin etməyə imkan verəcək. Bu barədə ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Den Keyn bildirib.
O bu fikri ABŞ Nümayəndələr Palatasının Silahlı Qüvvələr Komitəsində keçirilən dinləmələr zamanı səsləndirib.
“1,5 trilyon dollarlıq büdcə gələcək təhlükəsizliyə yönəlmiş tarixi sərmayədir və sürətlə inkişaf edən texnologiyalar sahəsində ABŞ-ın üstünlüyünü təmin edəcək”, – deyə o qeyd edib.
Bundan əvvəl Ağ Ev 2027-ci il üçün ABŞ-ın nüvə kompleksinin maliyyələşdirilməsi məqsədilə Pentaqon büdcəsinin artırılmasını təklif edib. Amerika administrasiyasının sənədində bildirilir ki, bu addımlar ABŞ-ın rəqiblərinə qarşı çəkindiriciliyin qorunması üçün zəruridir.
Mart ayında isə ABŞ Müdafiə Nazirliyi Ağ Evdən İrana qarşı hərbi kampaniya üçün 200 milyard dollardan artıq vəsaitin ayrılmasını razılaşdırmağı xahiş edib.
