Fransanın PSJ klubunun ikinci qapıçısı Lyuka Şevalye növbəti həftə “Bavariya”ya qarşı keçiriləcək oyunda komandasına kömək edə bilməyəcək.
90deqiqe.Az-ın məlumatına görə, fransalı qapıçı çərşənbə günü məşq zamanı zədələnib.
Xatırladaq ki, çərşənbə axşamı “Bavariya” ilə oyunda parisililərin qapısını Matvey Safonov qoruyub.
Şevalye ötən yay “Lill”dən PSJ-yə transfer olunub. Daha əvvəl onun cəmi bir mövsümdən sonra komandadan ayrıla biləcəyi barədə xəbərlər yayılmışdı.
Qeyd edək ki, Əşraf Hakimi də böyük ehtimalla Münhendə keçiriləcək oyunda komandasına kömək edə bilməyəcək.
