Türkiyə estradasının ulduzu Ebru Gündeş estetik əməliyyat etdirdiyini ilk dəfə səhnədə etiraf edib. Məşhur ifaçının xarici görünüşündəki dəyişiklik və buna xərclədiyi məbləğ sosial mediada geniş müzakirələrə səbəb olub.
Ölkə.Az-ın Türkiyə mediasına istinadən məlumatına görə, müğənni üzgərdirmə (face-lift) əməliyyatı üçün təxminən 200 min dollar (təxminən 340 min manat) xərcləyib.
Konserti zamanı pərəstişkarları qarşısına çıxan Gündeş yeni görüntüsü ilə bağlı zarafatından da qalmayıb:
"Necəyəm, gözələm? Üzümdə bir fərqlilik hiss edirsiniz? Sizin üçün üzümü gərdirmişəm. 10 yaş cavanlaşmışam? Yoxsa 20?", — deyə o bildirib.
Qeyd edək ki, sənətçi bu addımı sırf tamaşaçılarına daha gözəl görünmək üçün atdığını vurğulayıb. İzləyicilər isə müğənninin həqiqətən də illərə meydan oxuduğunu və əməliyyatın uğurlu alındığını qeyd ediblər.
