"Fənərbağça" qapıçısı Edersonla yollarını ayırmağı düşünür.
Fanat.Az xəbər verir ki, informasiyanı "Sozcu" yayıb.
32 yaşlı braziliyalı qolkiper "Qalatasaray"a 0:3 hesabı ilə məğlub olduqları görüşdə qırmızı vərəqə alaraq meydandan kənarlaşdırıldığı üçün cəzalandırılacaq. Daha bir məqam onun ildə təxminən 11 milyon avro maaş almasıdır ki, bu da klubu maliyyə siyasətini yenidən nəzərdən keçirməyə məcbur edir.
Edersonun menecerlərinə onun üçün yeni klub tapmağı tapşırdığı bildirilir.
Xatırladaq ki, "Fənərbağça" artıq klubun strukturunda böyük dəyişikliklər edərək baş məşqçi Domeniko Tedeskonu istefaya göndərib, həmçinin idman direktoru Devin Özek və futbol koordinatoru Çələbi ilə yollarını ayırıb.
Ederson ötən ilin sentyabr ayında "Fənərbağça"ya qoşulub və bu mövsüm bütün yarışlarda 36 oyunda iştirak edib, 35 qol buraxıb və 13 dəfə qapısını toxunulmaz saxlayıb.
İstanbul təmsilçisi hazırda Türkiyə Super Liqasında 67 xalla ikinci yerdədir. Komanda növbəti oyununu 2 mayda "Başakşehir"ə qarşı keçirəcək.
