Newscenter.az saytından əldə olunan məlumata görə, ain.az məlumat yayır.
Hüquq müdafiəçisi — sadəcə hadisələri qeyd edən tərəf deyil. O, faktları toplayan, onları hüquqi müstəviyə çıxaran, emosiyanı hüquqa, narazılığı arqumentə çevirən bir vasitəçidir. Onun əsas funksiyası informasiyanı təhrif etmədən, şişirtmədən və gizlətmədən, obyektiv və hüquqi əsaslarla dövlət rəhbərliyinə çatdırmaqdır.Hüquq müdafiəçisi cəmiyyətin vicdanıdır. O, susqunluğun içində həqiqəti danışan, qarışıqlığın içində hüquqi nizamı qoruyan bir mövqedə dayanır. Onun fəaliyyəti tənqid deyil , məsuliyyətli xəbərdarlıqdır. Onun məqsədi qarşıdurma yaratmaq deyil , hüququn bərpasına xidmət etməkdir.Belə məqamlarda hüquq müdafiəçisi emosiyalara qapılmadan, faktlara söykənərək, hüququn aliliyini əsas götürərək çıxış etməlidir. Çünki dövlətin gücü yalnız idarəetmədə deyil, eyni zamanda ona doğru və vaxtında çatdırılan həqiqətlərdədir.Unutmamalıyıq ki, hər bir siqnal vaxtında verildikdə problemə çevrilmir , həllə çevrilir.Bu səbəbdən hüquq müdafiəçisinin rolu təkcə reaksiya vermək deyil, həm də hüquqi düşüncəni istiqamətləndirmək, cəmiyyətlə dövlət arasında etibarlı dialoq mühiti yaratmaqdır.Hüquq müdafiəçisi o səsdir ki, o səs nə qışqırır, nə susur — o səs həqiqəti deyir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
