Quraqlıqla mübarizə fonunda yağıntıların artması müxtəlif versiyaların ortaya çıxmasına səbəb olub…
Poliqon xəbər verir ki, İranda son onilliklər ərzində görünməmiş həcmdə yağıntı qeydə alınıb. Rəsmi məlumatlara görə, ölkənin müxtəlif bölgələrində intensiv yağışlar müşahidə olunur və bu hal uzun müddət davam edən quraqlıq fonunda diqqət çəkir.
Qeyd edək ki, İran son illərdə ciddi su çatışmazlığı və quraqlıq problemi ilə üzləşib və bu istiqamətdə müxtəlif tədbirlər həyata keçirib. Son yağıntılar isə su ehtiyatlarının müəyyən qədər bərpasına müsbət təsir göstərə bilər.
Bununla yanaşı, bəzi media orqanlarında alternativ versiyalar da səsləndirilib. Belə ki, iddialara görə, regionda ABŞ hərbi bazalarına qarşı həyata keçirilən zərbələr zamanı guya “iqlim silahı” kimi təqdim olunan texnologiyanın məhv edilməsi nəticəsində hava şəraitində dəyişiklik baş verib.
Lakin bu iddialar rəsmi mənbələr tərəfindən təsdiqlənməyib və ekspertlər belə yanaşmaları ehtiyatla qiymətləndirməyə çağırırlar. Onların fikrincə, baş verənlər daha çox təbii iqlim dəyişiklikləri və atmosfer prosesləri ilə izah olunmalıdır.
Poliqon.info
