İtaliya A Seriyasının 2025/2026 mövsümünün 34-cü turunda “Torino” öz meydanında “İnter”i qəbul edib.
90deqiqe.Az-ın məlumatına görə, “Turin Olimpiya” stadionunda keçirilən qarşılaşma 2:2 hesablı heç-heçə ilə yekunlaşıb. Oyunu baş hakim Mauritsio Mariani idarə edib.
Görüşdə hesabı qonaqlar açıb. 23-cü dəqiqədə Markus Tyuram fərqlənib.
İkinci hissədə “İnter” üstünlüyünü artırıb. 61-ci dəqiqədə Yann Bissek komandasının ikinci qoluna imza atıb.
Lakin “Torino” geri dönüş edərək oyuna tarazlıq gətirib. 70-ci dəqiqədə Ciovanni Simeone fərqlənib, 79-cu dəqiqədə isə Nikola Vlasic penalti zərbəsini dəqiq yerinə yetirərək hesabı bərabərləşdirib.
Bu nəticədən sonra “İnter” 79 xalla İtaliya çempionatının turnir cədvəlində liderliyini davam etdirir. “Torino” isə 41 xalla 13-cü pillədə qərarlaşıb.
