ain.az bildirir, 525.az portalına istinadən.
Hindistanın Bakıdakı səfirliyində “Bakı axşamları” mədəni proqramı çərçivəsində “Bharat Filmotsav” təşəbbüsünün dördüncü filmi olaraq populyar Bollivud filmi “Zindagi Na Milegi Dobara”nın nümayişini təşkil edib.
525.az xəbər verir ki, nümayiş tamaşaçıların böyük marağına səbəb olub. Tədbirdə həm azərbaycanlı, həm də hindistanlı tələbələr iştirak ediblər.
İştirakçılar filmin süjet xəttini, gözəl vizual səhnələrini, dostluq, səyahət və özünü kəşf kimi dərin mövzularını, eləcə də yadda qalan musiqisini və əyləncəli anlarını böyük zövqlə izləyiblər.
Tədbirə göstərilən yüksək maraqdan məmnunluğunu ifadə edən səfir Abhay Kumar Hindistan kinosunun zənginliyi və müxtəlifliyini vurğulayıb. O qeyd edib ki, hind filmləri özünəməxsus hekayəçilik üslubu, emosional təsir gücü və universal cəlbediciliyi sayəsində bütün dünyada böyük populyarlıq qazanmağa davam edir. Qonaqlara, həmçinin xüsusi hazırlanmış hind qəlyanaltıları təqdim olunub ki, bu da axşamın bayram ab-havasını daha da gücləndirib.
“Bakı axşamları” proqramı çərçivəsində keçirilən “Bharat Filmotsav”-ın məqsədi Azərbaycandakı tamaşaçılara Hindistan kinosunun zənginliyini və rəngarəngliyini təqdim etmək, eyni zamanda Hindistan ilə Azərbaycan arasında mədəni anlaşmanı və insanlararası əlaqələri daha da möhkəmləndirməkdir. Bu uğurlu nümayiş bir daha göstərdi ki, həm Hindistan diasporu, həm də azərbaycanlı tamaşaçılar arasında hind mədəniyyəti və filmlərinə maraq getdikcə artır.
Pərvanə Sultanova
Sonrakı hadisələr barədə daha çox məlumat almaq üçün ain.az saytını izləyin.
