Azpolitika.az saytından verilən məlumata görə, ain.az xəbər verir.
2026-cı ilin əvvəlində Rusiyada iqtisadi tənəzzülün səbəblərindən biri əlverişsiz hava şəraiti olub.
“AzPolitika” xəbər verir ki, Rusiya Mərkəzi Bankının bu gün mediada açıqlanan hesabatında belə deyilir.
Mərkəzi Bank bu gün ardıcıl səkkizinci dəfə (15%-dən 14,5%-ə) endirilən əsas faiz dərəcəsi qərarı ilə bağlı şərhində Rusiya iqtisadiyyatının birinci rübdə "yavaşladığını" etiraf edib. Qeyd olunur ki, “Rosstat”-ın məlumatına görə, Rusiyanın ÜDM-i 2023-cü ildən bəri ilk dəfə azalmağa başlayıb və yanvar-fevral aylarında illik müqayisədə 1,8% azalıb. Sənaye tənəzzülün astanasına çatıb. Məhsuldarlıq yanvar və fevral aylarında 0,8% və 0,9% azalıb, lakin martın sonuna qədər illik müqayisədə 0,3% artaraq bir qədər bərpa olunub.
"İqtisadiyyat qismən vergi dərəcələrinə edilən düzəlişlərə uyğunlaşma səbəbindən yavaşlayıb, daha az sayda iş günü və əlverişsiz hava şəraiti də buna təsir göstərib", - deyə Mərkəzi Bank izah edir.
Hökumət cari il üçün ÜDM-in 1,3% artımını proqnozlaşdırsa da, müstəqil analitiklərin fikrincə, birinci rübün sonu üçün ÜDM-in 1%-ə yaxın azaldığı görünür.
Mərkəzi Bank açıqlamasında investisiya aktivliyinin zəif olduğunu və "istehlakçı tələbatının yavaşlaması" tendensiyasının davam etdiyini bildirib. Bankın sorğuları göstərir ki, insanlar kütləvi şəkildə geyim, elektronika, gündəlik əşyalar, hətta qida və tibbi xidmətlərə qənaət etməyə keçirlər.
Mərkəzi Bankın məlumatına görə, İrandakı müharibə səbəbindən neft qiymətlərinin artması Rusiyaya təxminən 50 milyard dollar planlaşdırılmamış neft gəlirləri gətirəcək. Lakin bank etiraf edir ki, bu, iqtisadiyyatı yaxşılaşdırmayacaq: ÜDM yaxşı halda yalnız 0,5-1,5% arta bilər və bu proqnoz dəyişməz olaraq qalır.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
