ABŞ-də yeni tendensiya narahatlıq doğurur.
Musavat.com xəbər verir ki, In These Times nəşri milyarderlərin vəhşi təbiəti özəl ərazilərə çevirməsi ilə bağlı araşdırma yayıb.
Məlumata görə, Yellowstone National Park ətrafında yerləşən geniş torpaq sahələri supervarlılar tərəfindən kütləvi şəkildə alınır. Bu ərazilər formal olaraq təbiətin qorunması məqsədilə saxlanılsa da, əslində elit təbəqənin qlobal risklərdən uzaqlaşmaq üçün yaratdığı qapalı sığınacaqlar kimi qiymətləndirilir.
Araşdırmada vurğulanır ki, bu şəxslər sərvətlərini çox vaxt Amazon rainforest kimi bölgələrdə ekoloji dağıntılar hesabına qazanır, sonra isə “təmiz” və təhlükəsiz zonalara sərmayə yatırırlar.
Bu proses xüsusilə Teton County kimi ərazilərdə sosial bərabərsizliyi artırır. Yerli əhali bahalaşma səbəbindən evlərini itirir, torpaq və kirayə qiymətləri isə sürətlə yüksəlir.
Eyni zamanda, yeni torpaq sahibləri yolları bağlayır, ərazilərə girişi məhdudlaşdırır və müxtəlif layihələrə qarşı məhkəmələrə müraciət edirlər. Nəticədə vəhşi təbiət getdikcə ictimai sərvətdən çıxaraq yalnız varlılara məxsus “qapalı cənnət”ə çevrilir.
Musavat.com
