BAKI, 23 aprel. TELEQRAF
Ermənistanın Kollektiv Təhlükəsizlik Müqaviləsi Təşkilatından (KTMT) de-yure və de-fakto çıxıb-çıxmayacağı hələlik məlum deyil.
Teleqraf xəbər verir ki, bu barədə Ermənistanın Baş naziri Nikol Paşinyan brifinqdə bildirib.
Baş nazirin sözlərinə görə, ölkənin hazırkı xətti təşkilatdakı fəaliyyətin dondurulması ilə bağlıdır:
"Seçkiqabağı proqramımızda aydın şəkildə qeyd olunub ki, biz KTMT-də işlərin aktivləşdirilməsi istiqamətində konkret addımlar atmayacağıq. Yəni, fəaliyyətin bərpası gözlənilmir. KTMT-dən de-yure və ya de-fakto çıxıb-çıxmayacağımıza gəlincə, bu, başqa söhbətdir, indidən deyə bilmərəm. Vəziyyətə uyğun hərəkət edəcəyik".
