Türkiyənin Kahramanmaraş bölgəsində silahlı hücumu törədən şəxsin anası saxlanılıb.
Missiya.Az "Haberglobal"a istinadən xəbər verir ki, bu barədə Baş Prokurorluğu bəyanat yayıb.
"Bu sənədlərin araşdırılması nəticəsində müəyyən edilib ki, biri dövlət müəssisəsindən, digəri isə özəl müəssisədən olan iki psixoloq hadisə tarixindən əvvəl İsa Aras Mersinliyə uşaq psixiatriya klinikasında müalicəyə ehtiyacı olduğunu diaqnoz edib tövsiyə etsələr də, ana həkimlərin tövsiyələrini qulaqardına vurub və psixiatriya klinikasından lazımi tibbi yardım almayıb. Beləliklə, onun cinayətkarı öldürmə və yaralama hərəkətləri törətməyə vadar etdiyi düşünülən psixoloji pozuntuların müalicəsindəki məsuliyyətlərinə laqeyd yanaşdığı müəyyən edilib. Buna görə də Kahramanmaraş Respublika Baş Prokurorluğu onun həbsini tələb edib və onu Növbətçi Məhkəməyə göndərib. Kahramanmaraş Növbətçi Məhkəməsi tərəfindən dindirildikdən sonra Cinayət Prosessual Məcəlləsinin 100-cü maddəsinə uyğun olaraq həbs olunmasına qərar verilib",-bəyanatda qeyd olunub.
Xatırladaq ki, hadisə aprelin 15-də baş verib. Məktəbə silahla gələn İ. A. Mersinlinin ətrafa atəş açması nəticəsində biri müəllim olmaqla, doqquz nəfər həlak olub, 13 nəfər yaralanıb. Cinayətkar daha sonra özünü öldürüb. Daha sonra bir nəfərin də öldüyü bildirilib.
İlahə Qənbərli
Missiya.Az
