Müasir dövrdə sosial media gündəlik həyatımızın ayrılmaz hissəsinə çevrilsə də, bu platformalarda həddindən artıq vaxt keçirmək psixoloji yorğunluğa və vaxt itkisinə səbəb olur.
Pravda.az rəqəmsal dünyada daha balanslı qalmaq üçün bir neçə effektiv üsul təklif edir:
Bildirişləri söndürün
Hər gələn bildiriş sizi tətbiqə daxil olmağa məcbur edir. Diqqətinizin dağılmaması üçün vacib olmayan bütün bildirişləri deaktiv edin. Bu, ekran asılılığını azaltmağın ən sürətli yoludur.
Səhərlər ilk işiniz telefona baxmaq olmasın
Oyanan kimi sosial media axınına baxmaq günün qalan hissəsində stress səviyyənizi artıra bilər. Günün ilk 30-60 dəqiqəsini oflayn keçirməyə vərdiş edin.
Tətbiqlər üçün vaxt limiti qoyun
Smartfonların daxili tənzimləmələrindən istifadə edərək sosial media tətbiqlərinə gündəlik limitlər tətbiq edin. Limit bitdikdə tətbiqin bağlanması sizin iradənizə dəstək olacaq.
Telefonu yataq otağından kənarlaşdırın
Yuxudan əvvəl telefonla vaxt keçirmək yuxu keyfiyyətini aşağı salır. Telefonu başqa otaqda enerji doldurmağa qoyun və zəngli saat üçün klassik saatlardan istifadə edin.
"Oflayn" hobbilərə vaxt ayırın
Sosial mediadakı boşluğu doldurmaq üçün kitab oxumaq, idman etmək və ya dostlarla üzbəüz görüşmək kimi real fəaliyyətlərə üstünlük verin. Ekrana baxmaq əvəzinə əllərinizlə və ya bədəninizlə məşğul olacağınız məşğuliyyətlər tapın.
Əminə Bayramova
