İtaliya çempionatının 33-cü turunda “Udineze” doğma meydanda “Parma”nı qəbul edib.
90deqiqe.Az-ın məlumatına görə, görüş qonaqların minimal hesablı qələbəsi ilə başa çatıb – 0:1.
İlk hissədə komandalar fərqlənə bilməyiblər. Qarşılaşmanın taleyi fasilədən sonra həll olunub. Qələbə qolunu Nesta Elfej vurub, məhsuldar ötürmə Qabriel Strefezzadan gəlib.
Bu nəticədən sonra “Parma” xallarını 39-a çatdıraraq turnir cədvəlində 13-cü pillədə qərarlaşıb. “Udineze” isə 43 xalla 11-ci sırada yer alır.
Qeyd edək ki, komandalar arasında ilk dövrədə keçirilən oyunda “Udineze” 2:0 hesablı qələbə qazanmışdı.
