futbolpress-az portalından alınan məlumata görə, ain.az xəbər verir.
Türkiyə Super Liqasının 30-cu həftəsində “Gənclərbirliyi” ilə qarşılaşacaq “Qalatasaray”da Viktor Osimhen sevinci yaşanır.
Futbolpress.az xəbər verir ki, “Fənərbağça”nın xal itirməsindən sonra fərqi açmaq istəyən “sarı-qırmızılılar”a ən böyük dəstək nigeriyalı qolçudan gəlib.
Xatırladaq ki, Çempionlar Liqasının 1/8 finalında “Liverpul”la keçirilən revanş matçında qolundan ciddi zədə alan Osimhen təxminən 3 həftədir meydanlardan uzaq qalmışdı. Müalicə prosesini uğurla başa vuran dünya şöhrətli hücumçuya həkimlər oynamaq üçün “yaşıl işıq” yandırıblar.
Baş məşqçi Okan Buruk Osimheni “Gənclərbirliyi” matçının heyətinə daxil edib. Lakin futbolçunu riski atmamaq üçün onun qarşılaşmaya ehtiyat oyunçular skamyasında başlayacağı gözlənilir.
Hadisənin gedişatını izləmək üçün ain.az saytında ən son yeniliklərə baxın.
