Aprelin 1-də Moskva şəhərində baş tutan yüksək səviyyəli danışıqlar zamanı Rusiya və Ermənistan tərəfi hərbi-texniki sahədə daha öncə imzalanmış razılaşmaların icra edilməsi barədə ortaq məxrəcə gəliblər.
AzNews.az xəbər verir ki, bu barədə Ermənistanın baş naziri Nikol Paşinyan jurnalistlərə açıqlamasında bildirib.
"Rusiya ilə hərbi-texniki əməkdaşlığımız mövcud olub və hazırda da var. Bir müddət bu əlaqələr xeyli dərəcədə səngimiş və ya dayandırılmışdı. Lakin bəli, əvvəlki razılaşmaların reallaşdırılması ilə bağlı ortaq qərarımız mövcuddur", - deyə hökumət rəhbəri vurğulayıb.
