"Kurtlar Vadisi" serialındakı obrazı (Alimcan Kondurbayev (çeçen lider)) ilə yaddaşlara həkk olunan təcrübəli aktyor Hakan Meriçliler yeni layihə üçün müqavilə imzalayıb.
Ölkə.Az xarici mediaya istinadən xəbər verir ki, o, "Pastel Film"in imzasını daşıyan və yaxınlarda "Kanal D"də yayımlanacaq "Daha 17" serialının heyətinə qatılıb.
Məktəb direktoru obrazında çıxış edəcək
Son olaraq "Mezarlık" serialının ikinci mövsümündə rol alan aktyor, yeni layihədə Rəmzi obrazını canlandıracaq. Məktəb direktoru rolunda tamaşaçı qarşısına çıxacaq Meriçlilerin serialın ikinci bölümündən etibarən hekayəyə daxil olacağı bildirilir.
15 kiloqram arıqladı
Hakan Meriçliler son dövrlərdə ciddi pəhriz və idman sayəsində təxminən 15 kiloqram çəki atıb. Yeni rolu üçün xarici görünüşündə kəskin dəyişiklik edən aktyorun bu imici artıq maraq doğurmağa başlayıb.
Qeyd edək ki, uğurlu aktyorun rol aldığı "Bir Adam Yaratmak" filmi isə mayın 1-də kinoteatrlarda nümayiş olunacaq. Hazırda o, Dövlət Teatrlarında səhnələşdirilən və uzun müddətdir anşlaqla keçən "Hırçın Kız" tamaşasında da çıxış edir.
