ain.az, Axar.az portalına istinadən məlumatı açıqlayır.
Rusiya Donetsk vilayətində Mirnoqrad şəhərinin cənubuna əlavə qüvvələr toplayır və yaşayış binalarını təbii sığınacaq kimi istifadə edir.
Axar.az xəbər verir ki, bu barədə Ukraynanın Desant-Hücum Qoşunlarının 7-ci sürətli reaksiya korpusunun kommunikasiya rəisi Vladimir Polevoy bildirib.
“Düşmən hazırda Pokrovsk və Mirnoqradın yaşayış məntəqələri daxilində üstünlüyə malikdir. Bu ərazilər ona ilk növbədə sığınacaq verir”, – deyə o qeyd edib.
Onun sözlərinə görə, zərbələrin endirilməsi çətinləşir, çünki adi taktiki FPV-lərin (100 km məsafəli “Middle Strike” kateqoriyalı PUA-lardan fərqli olaraq) fəaliyyətinə şəhər infrastrukturu mane olur:
“Mirnoqrad və Pokrovskun hündürmərtəbəli binaları sanki dağlar kimidir, meşə kimi Rusiya logistikasının qarşısında dayanaraq onların radioufqunu örtür”.
Ən son xəbərləri və yenilikləri almaq üçün ain.az saytını izləyin.
