"Milan" klubunun baş məşqçisi Massimiliano Alleqri mövsümün sonunda komanda Çempionlar Liqasına vəsiqə qazansa belə, klubdan ayrıla bilər.
90deqiqe.Az-ın məlumatına görə, bu barədə “Corriere dello Sport” məlumat yayıb.
Mənbənin bildirdiyinə görə, 58 yaşlı mütəxəssis cari mövsüm ərzində “rossoneri” rəhbərliyinin dəstəyini az hiss edib. Bildirilir ki, Alleqrinin “Milan”dan ayrılması halında onun İtaliya milli komandasını çalışdırması mümkündür. Eyni zamanda “Napoli” də Antonio Konte klubdan ayrılsa, Alleqrini namizədlər siyahısına daxil edib.
Alleqri 2025-ci ilin yayında İtaliyanın nəhəng klubunun baş məşqçi vəzifəsinə gətirilib. İtaliya A Seriyasında 32 turdan sonra “Milan” 63 xal toplayaraq turnir cədvəlində 3-cü yerdə qərarlaşıb.
