X sosial mediasında yenilik edilib. Metbuat.az xəbər verir ki, X maliyyə dünyası ilə əlaqələndirilib. Bildirilir ki, yeni əlavə edilmiş “Cashtags” xüsusiyyəti sayəsində istifadəçilər artıq sosial mediada səhm və kriptovalyuta bazarlarını müşahidə edə bilərlər. Kanadalı broker şirkəti “Wealthsimple” ilə pilot tərəfdaşlıq istifadəçilərə etiketə bir kliklə birbaşa ticarət etməyə imkan verir. Bildirilir ki, yeni sistem, maliyyə məlumatlarını sosial qarşılıqlı əlaqə ilə tək bir ekranda birləşdirir. İstifadəçilər paylaşımda səhm simvolunu (məsələn, $TSLA) dollar işarəsi ilə birlikdə yazdıqda və ya kriptovalyuta cüzdan ünvanını yapışdırdıqda, sistem avtomatik olaraq müvafiq aktivi tanıyır. Seçilmiş etiketə klikləməklə tətbiqdə canlı qiymət qrafiklərini və əlaqəli paylaşımları yan-yana nümayiş etdirir.
