Tehran ABŞ ilə müvəqqəti atəşkəs razılaşmalarını qəbul etmir və bunun hərbi əməliyyatların yenidən başlamasına səbəb olacağına inanır.
Onun sözlərinə görə, bu cür atəşkəslər "qəddar çevrə" yaradır, diplomatik resursları tükəndirir və nəticədə yenidən müharibəyə gətirib çıxarır. O qeyd edib ki, vasitəçilər vasitəsilə əlaqələr münaqişənin uzunmüddətli həllini tapmağa yönəlib.
Ölkə.az xəbər verir ki, bunu İran xarici işlər nazirinin müavini Səid Xətibzadə bildirib.
Xətibzadə həmçinin müharibəni başlatmaqda ABŞ və İsraili günahlandıraraq, onların hərəkətlərinin təkcə İrana deyil, həm də qlobal iqtisadiyyata zərər verdiyini iddia edib. O, bunu Vaşinqtonun cavab verməli olduğu "təxribatsız müharibə" adlandırıb.
Fevralın 28-də ABŞ və İsrail İrana qarşı hərbi əməliyyata başlayıb, Tehran da daxil olmaqla, böyük şəhərlərə zərbələr endiriblər. Buna cavab olaraq SEPAH İsrailə qarşı genişmiqyaslı əməliyyat elan edib və regionun bir neçə ölkəsindəki ABŞ hədəflərinə də hücum edilib.
11 apreldə İslamabadda İran və ABŞ arasında danışıqlar baş tutdu. İran nümayəndə heyətinə Məhəmməd Bağır Qalibaf, Amerika nümayəndə heyətinə isə C.D. Vens rəhbərlik edirdi. Davamlı fikir ayrılıqları səbəbindən tərəflər uzunmüddətli razılaşma barədə razılığa gələ bilməyiblər.
Mürtəza
