Bu gün Müstəqil Dövlətlər Birliyi (MDB) Xarici İşlər Nazirləri Şurasının növbəti iclası Moskvada keçiriləcək.
"Yeni Sabah" xəbər verir ki, İclasda Birlik daxilində çoxsəviyyəli XİN-lərarası məsləhətləşmələr planının və 2025-ci ildə MDB dövlətlərinin xarici işlər nazirlikləri arasında tərəfdaşlığın gücləndirilməsi üzrə fəaliyyət proqramının həyata keçirilməsinin yekunlaşdırılması planlaşdırılır.
Şura gündəliyinin layihəsində humanitar və beynəlxalq sahələrdə əməkdaşlıq, eləcə də təhsil məsələləri yer alır.
XİN rəhbərləri mövcud beynəlxalq və regional məsələlər barədə fikir mübadiləsi aparacaq və bu il qeyd olunan MDB-nin 35-ci ildönümü kontekstində əməkdaşlığın prioritet sahələrini müzakirə edəcəklər.
İclasın yekununda xarici siyasət koordinasiyasının gücləndirilməsinə və hüquq-mühafizə, mədəni və humanitar sahələrdə əməkdaşlığın genişləndirilməsinə yönəlmiş bir sıra qərarların qəbul edilməsi gözlənilir.
Nazirlərin iki Rusiya təhsil müəssisəsinə MDB üzv dövlətlərinin baza təşkilatları statusunun verilməsi məsələsini nəzərdən keçirməsi gözlənilir. MDB çərçivəsində çoxsəviyyəli nazirliklərarası məsləhətləşmələr planının və iştirakçı ölkələrin xarici işlər nazirlikləri arasında tərəfdaşlığın gücləndirilməsi üzrə fəaliyyət proqramının 2025-ci il üçün həyata keçirilməsinin nəticələri ümumiləşdiriləcək.
Telegram kanalımız
