Müəllif:Mehin Qasımova,Banco.az
Qlobal internet televiziya şəbəkəsi "Netflix" 2026-cı ilin birinci rübü üçün maliyyə hesabatlarını açıqlayıb.
Banco.az xəbər verir ki, Netflix-in gəliri bu ilin birinci rübündə 16,2 faiz artaraq 12,3 milyard dollara çatıb.
Şirkətin gəliri 2025-ci ilin birinci rübündə 10,5 milyard dollar olaraq qeydə alınıb.
Şirkət 2026-cı il üçün tam illik gəlir proqnozunu 50,7 milyard dollardan 51,7 milyard dollara qədər saxlayarkən, bu ilin ikinci rübündə gəlirinin 13 faiz artacağını qeyd edib.
Netflix-in xalis mənfəəti də ilin birinci rübündə ötən ilin eyni dövrü ilə müqayisədə təxminən 83 faiz artaraq 5,3 milyard dollara çatıb. Şirkətin xalis mənfəətinin 2025-ci ilin eyni dövründə 2,9 milyard dollar olacağı proqnozlaşdırılırdı.
Şirkətin səhm başına mənfəəti ötən ilin birinci rübündəki 66 sentdən bu dövrdə 1,23 dollara yüksəlib.
Netflix-in mənfəət artımına Warner Bros. ilə satın alma müqaviləsinin pozulması nəticəsində yaranan 2,8 milyard dollarlıq xitam haqqı da təsir edib.
Şirkət Netflix-in həmtəsisçisi Rid Heystinqsin xeyriyyəçilik fəaliyyətlərinə və digər məşğuliyyətlərinə diqqət yetirmək üçün iyun ayında hazırkı səlahiyyət müddəti başa çatdıqdan sonra İdarə Heyətinin sədri vəzifəsinə yenidən seçilməyəcəyini açıqlayıb.
