Avropa Komissiyası (AK) Avropa Müdafiə Hazırlığı Flaqman Proqramlarını dəstəkləyən 57 müdafiə layihəsinə 1,07 milyard avro sərmayə qoyacağını bəyan edib.
"Yeni Sabah" xəbər verir ki, 2025-ci il üçün Avropa Müdafiə Fondundan (EDF) maliyyələşdirmə üçün müraciətlərin qiymətləndirilməsindən sonra Avropa Komissiyası 57 yeni EDF layihəsinə 1,07 milyard avro sərmayə qoyacaq.
Bu investisiyalar Aİ-nin 2030-cu ilə qədər Müdafiə Hazırlığı Yol Xəritəsində müəyyən edilmiş məqsədlərə çatmağa töhfə verəcək və Aİ-nin dörd əsas müdafiə flaqman proqramı: Avropa Dron Müdafiə Təşəbbüsü, Şərq Cəbhəsi Müşahidə proqramı, Avropa Hava Qalxanı və Avropa Kosmik Qalxanı üçün zəruri maliyyələşdirmə təmin edəcək.
Seçilmiş layihələr 26 Aİ üzv dövlətindən və Norveçdən 634 təşkilatı əhatə edir. İnvestisiyaların 675 milyon avrosu 32 müdafiə qabiliyyətinin inkişafı təşəbbüsünü, 332 milyon avrosu isə 25 tədqiqat layihəsini dəstəkləyəcək.
Telegram kanalımız
