“Məhkəməsiz barışıq: Mediator kimdir və bizə nə qazandırır?”

Günümüzdə mübahisələrin həlli dedikdə ağlımıza gələn ilk ünvan məhkəmələr olur. Lakin illərlə davam edən çəkişmələr, həm maddi, həm də mənəvi yorğunluq çox vaxt tərəfləri çıxılmaz vəziyyətə salır. Məhz bu məqamda müasir hüquq sisteminin ən effektiv alətlərindən biri olan Mediatorluq institutu köməyə çatır.

​         Mediator hakim deyil!

Bir çoxları elə bilir ki, mediator tərəfləri dinləyib qərar verən bir şəxsdir. Xeyr, mediator tərəflər arasında körpü quran, emosiyaları idarə edən və hər iki tərəfin maraqlarına uyğun ortaq məxrəc tapılmasına şərait yaradan bitərəf mütəxəssisdir. Mediator qərar vermir, o, tərəflərə öz qərarlarını verməkdə kömək edir.

​         Niyə Mediatoru seçməliyik?

​         Zaman qənaəti: Məhkəmə prosesləri aylarla, bəzən illərlə çəkdiyi halda, mediasiya prosessi cəmi bir neçə sesiyada yekunlaşa bilər.

​         Məxfilik: Məhkəmə iclaslarından fərqli olaraq, mediatorla keçirilən görüşlər tamamilə gizli saxlanılır. Bu da iş adamları və ailə münasibətləri üçün çox önəmlidir.

​         Ä°qtisadi səmərə: Dövlət rüsumları və hüquqi xidmətlərin xərcləri ilə müqayisədə mediasiya xərcləri qat-qat aşağıdır.

​         Dost münasibətlərin qorunması: Məhkəmədə bir tərəf udur, digəri uduzur. Mediasiyada isə hər iki tərəf qalib gəlir ("Win-Win"), bu da gələcək münasibətlərin qorunmasına xidmət edir.

​         Nəticə olaraq, mediatora müraciət etmək mədəni və sivil bir həll yoludur. Unutmayın, ən pis barışıq, ən yaxşı məhkəmə qərarından daha üstündür.

Emin  Qəzənfəroğlu,

Hüquqşünas -mediator